ថ្ងៃទី៨ ខែកញ្ញា ត្រូវបានប្រកាសជាទិវាអក្ខរកម្មអន្តរជាតិដោយអង្គការយូណេស្កូនៅថ្ងៃទី១៧ វិច្ឆិកា ១៩៦៥។ ទិវានេះត្រូវបានប្រារព្ធឡើងជាលើកដំបូងនៅក្នុងឆ្នាំ ១៩៦៦ ក្នុង គោលបំណង ដើម្បីលើកយកនិងផ្សព្វផ្សាយអំពីសារៈសំខាន់នៃអក្ខរភាពទៅដល់សាធារណៈជន សហគមន៍និងសង្គមនានានៅជុំវិញពិភពលោក ។រៀងរាល់ឆ្នាំនៅទិវាអក្ខរកម្មអន្តរជាតិ អង្គការយូណេស្កូបានរំលឹកជូនសហគមន៍អន្ដរជាតិទាំងឡាយ អំពីស្ថានភាពនៃអក្ខរកម្ម និងការសិក្សារបស់មនុស្សពេញវ័យ ទូទាំងសកលលោក។
ក្នុងឱកាសនៃការប្រារព្ធ ទិវាអក្ខរកម្មជាតិ ៨ កញ្ញា ២០២៥ រាជរដ្ឋាភិបាលកម្ពុជាបានកំណត់យកប្រធានបទ”ការលើកកម្ពស់អក្ខរកម្មក្នុងយុគសម័យឌីជីថល” ដែលជាប្រធានបទសសំខាន់ សំដៅដល់ការបង្កើនការយល់ដឹងកាន់តែទូលំទូលាយ និងជំរុញឲ្យគ្រប់ភាគីពាក់ព័ន្ធ ឲ្យចូលរួមក្នុងការលើកកម្ពស់កម្មវីធិមួយនេះ ជួយអភិវឌ្ឍសមត្ថភាព ជាពិសេសជនបាត់បង់ឱកាល ជនងាយរងគ្រោះ យុវជនក្រៅសាលា កម្មករ កម្មការនីរោងចក្រ និងកុមារជនជាតិភាគតិច។
ប្រធានបទនេះស្របតាមទស្សនៈវិស័យរបស់រាជរដ្ឋាភិបាល ដែលបានដាក់ចេញនូវក្របខ័ណ្ឌគោលនយោបាយសេដ្ឋកិច្ចនិង សង្គមឌីជីថលកម្ពុជាសម្រាប់ឆ្នាំ ២០២១ដល់២០៣៥ ដើម្បីឆ្លើយតបបដិវត្តឧស្សាហកម្មជំនាន់ទី៤ ពោលគឺកសាងនូវពលរដ្ឋឌីជីថល រដ្ឋាភិបាលឌីជីថល និង ធុរកិច្ចឌីជីថល៕
ប្រភព៖ MoEYS Cambodia
